خواطر اليوم: معجزة الحب.. أولادكم…
أحبوا أولادكم دون قيد أو شرط، وخلوهم يحسوا أنكم موجودين حدهم دائمًا…
اسمعوهم وفرجوهم أنكم مهتمين بكلامهم ومشاعرهم…
اقضوا وقت معهم، لعبوا..تحدثوا.. حملوهم مسؤوليات صغيرة أو كبيرة، حسب قدراتهم…
كونوا صريحين معهم وما تخبوا أو تكذبوا عليهم…
كونوا سند لهم بكل وقت…
خلوا الإحترام يكون أساس التعامل بينكم…
شجيعوهم على نجازاتهم، افرحوا معهم.. وأبدا ما تحطموا معنوياتهم أذا أخفقوا أو غلطوا…
إدعموهم وعلموهم أنه الحياة فيها النجاح وفيها الفشل.. وإذا فشلوا مش يعني آخر الدني…
لا…
لمهم أنهم يتعلموا من فشلهم ويرجعوا يوقفوا على رجليهم، أقوى وبعزيمة أكبر…
اقبلوهم مثل ما هم وما تقارنهم بغيرهم من أولاد جيلهم..
وخلي تصرفاتكم معهم تكون انعكاس للأخلاق والقيم والمبادئ يلي بدكن تعلموهم ياها…
اصبروا على أولادكم لأن العلاقة المتينة بدها صبر ووقت…
التحديات ممكن تكون كبيرة…
ولكن بالحب منعمل معجزات…
بقلم: رباب وليد الأحمدية
