اليومخواطر اليوم
خواطر اليوم: بوصِلة الحب…
الحب يا جماعة مش أنكم تحكوا مع يلي بتحبوا وقت طويل على التليفون…
ولا أنه إذا ما رد عليكم يكون ما بحبكم أو مش مهتم…
الحب أعمق وأكبر من هيك بكثير…
الحب هو أنك تلاقي حالك بهل الحب… تكون على طبيعتك بدون تصنع وأنك ما تضطر تتجامل لإرضاء الشريك…
الحب أنك لما تضيع حالك تلاقيها عنده…
ولما تسكر الدنيا بوجهك يكون هو باب خلاصك…
أنك لما تكون متضايق ومش عارف حالك، من أين بدك تبلش وشو لازم تعمل، يكون جنبك وهو البوصلة…
الحب ما بيتطلب منك أنك تعبر عن حبك ومشاعرك كل الوقت…
الحب هو إحساسك بقيمتك ومكانتك عند يلي بتحبوا…
من نظراته إلك، من خلال طريقة كلامه معك.. بحسسّك أنك ملكت الدنيا وما فيها…
ودائماً مكانتك كبيرة بقلبه…
بقلم: رباب وليد الأحمدية
