خواطر اليوم
خواطر اليوم: سرّك في بئر…
بتعرفوا أنه أكثر حدا بقول لكم خلي الناس بحالها…
مالنا وما الناس…
هو يلي ما سِلم حدا منه.. لا أحياء ولا أموات…
بيتدخل بكل شارده وارده…
وبتعرفوا كمان أنه يلي بقول لكم سركم ببير…
هو أكثر حدا بينقل أخباركم…
ايه.. ويا ريت بينقلها مثل ما هيّ…
لا…
بيزيد عليها ملح وبهار، وبيعمل من الحبة قبه…
بس…
كمان في ناس بيكونوا بلسم لحياتنا…
بيطبطبوا علينا، وبيرسموا الضحكة على وجهنا…
بيكونوا الدواء لجرحنا، والأمل لروحنا…
وفي ناس مثل ما المثل بيقول…
أسمع كلامك أصدقك…
أشوف أمورك أستعجب!!!
بقلم: رباب وليد الأحمدية
