باسيل: “لما كنت وزير طاقة انا تقدّمت بمشروع قانون لبناء معامل الكهرباء واستثمارها من قبل المنتشرين”

أبرز ما جاء في كلمة النائب جبران باسيل من مؤتمر الطاقة الاغترابية

•  الLDE مش مؤتمر، هو طاقة انتشار لبناني بالعالم ومساحة تلاقي المنتشرين حول فكرة اللبنانية: Lebanity – Libanité –Libaneided
• يلّي هي رابطة انتماءنا للبنان، وكيف نجعل منها طاقة ايجابية بخدمة لبنان
•  بسبب تنوّعنا، نحنا مش طائفة، ولا عرق، ولا قومية، نحنا بتربطنا جينات لبنانية، لهيك: “مهما اختلفنا … لبنان بيجمعنا”
• الانتشار اللبناني مش جاليات موزعة بالعالم، وخطأ التعاطي معه على انه ملف موسمي، او Machine ATM او صوت انتخابي… نحنا منتعاطى معه على انه طاقة بشرية وقوّة استراتيجية
• لبنان هو بلد التوازنات بين الطوائف، ولكن توازن لبنان الداخلي ما بيكتمل الا بتوازنه مع انتشاره
• هلقدّ الانتشار هو استراتيجي: هو طاقة انتماء للبنانيّتنا يلّي لازم تكون فوق اي انتماء آخر. هو طاقة علم وثقافة، خبرة ونجاح، اقتصاد ومال، سمعة وثقة عالمية، علاقات وتأثير
• نجحنا بإقرار قانون استعادة الجنسية وكرّسناه كحق لأن الهوية هي اغلى ما عنا وفتحنا باب المشاركة السياسية للمنتشرين بالقرار الوطني لأوّل مرّة بتاريخ لبنان
• لما كنت وزير خارجية، تعاملت مع الانتشار كقضيّة وطنية بحاجة لخطّة وطنية بتوضعها بقلب السياسة الخارجية، ومش على هامشها، ولهيك تقدّمت بقانون لإنشاء مجلس وطني للإنتشار، بيكون منتخب وممثل للإنتشار بكل فئاته وبيكون له صلاحيات جوهريّة بخصوص المنتشرين
• لما كنت وزير خارجية تقدّمت بقانون بيعطي المنتشرين حوافز وامتيازات اقتصادية ومالية، وبقانون ليكون اسم الوزارة “وزارة الخارجية والمنتشرين والتعاون الدولي”، ويكون هيك دوركم
• عم ندرس قانون لإعطاء حوافز وامتيازات خاصة بالمنتشرين الأفراد
• زرنا اللبنانيين بـ 185 دولة ومدينة، عقدنا 16 مؤتمر طاقة اغترابية بلبنان والخارج، فعّلنا دور السفارات ووسّعنا انتشار القنصليات، عيّنا 20 ملحق اقتصادي من افضل الكفاءات، وعيّنا 118 قنصل فخري واللائحة كان بعدها طويلة… لكن لغيوهم
•  لما كنت وزير خارجية اطلقنا المنصّة الالكترونية للوزارة e-mofa، يلّي بتأمن تواصل مباشر بين المنتشرين وسفاراتهم ليعملوا معاملاتهم الكترونياً، انهينا مرحلتين وللأسف تم ايقاف المرحلة الأخيرة والأهم بـ 17 تشرين
• لما كنت وزير خارجية اطلقنا عشرات المشاريع والمبادرات ومنها بيت المغترب اللبناني و LDE و Lebanon connect واشترِ لبناني، و Diaspora Diplomacy و Gastro Diplomacy، وأسسنا غرف تجارة وتجمّعات مهنية وعقدنا اتفاقات اقتصادية وتجارية
• هيدي الخطوات ما كانت ظرفيّة، ولا انجاز شخصي، بل مسار تأسيسي منريده يستمرّ ولهيك نحنا مجتمعين اليوم بالـ LDE بنسخة خاصة مصغّرة بالميلاد ورأس السنة رقمها 17
• من بعد ما تركت الوزارة تابعت الالتزام بقضيّة الانتشار من موقعي، ولكن توقّف توقيع مراسيم الجنسية خوفاً من الإقبال يلّي صار عليها، وكأن استعادة او إختيار اللبنانيين لجنسيتهم بيضرب الديمغرافيا او بيصيب الهوية بدل ما يكون عم يصونها
• هيدي الخطوات ما كانت ظرفيّة، ولا انجاز شخصي، بل مسار تأسيسي منريده يستمرّ ولهيك نحنا مجتمعين اليوم بالـ LDE بنسخة خاصة مصغّرة بالميلاد ورأس السنة رقمها 17
• علّقوا بالـ 2022 انتخاب المنتشرين لنواب بيمثلوهم بالخارج، واليوم بالـ 2026 في توجّه، لا بل اتفاق ضمني، لتعليق كامل حقوق المنتشرين بالتصويت بالخارج
• نحنا تقدّمنا بقانون جديد محسّن لاستعادة الجنسية بيسهّل وبيسرّع اجراءاتها وبيمنع وقف اعطائها وكمان قدّمنا اقتراح قانون لتخفيضات بالرسوم والضرائب مخصّصة فقط للمنتشرين
• اعددنا قانون لإنشاء “صندوق المنتشر”، ورح نقدّمه هالأسبوع بعد استشارتكم، وهو صندوق استثماري مخصّص للمنتشرين، يؤمّن لهم فرص استثمار ويشجّعهم ويعطيهم حوافز، وذلك بمشاركة الدولة عبر IDAL بـ 20% من رأس مال الصندوق من دون اي ادارة له واي قدرة على التعطيل، فقط مساهمة للمساعدة
• عم ندرس قانون لإعطاء حوافز وامتيازات خاصة بالمنتشرين الأفراد
• الأهم، اننا عم نتصدّى لعملية الغاء 3 حقوق للمنتشرين: التصويت من الخارج، التمثيل المباشر والترشّح من الخارج
• الغاء حقوق المنتشرين بالتصويت من الخارج والتمثيل المباشر والترشح من الخارج خطيئة وطنية لا بل جريمة استراتيجية بحق لبنان الدولة والوطن والكيان
• استعادة واختيار الجنسية هو جسر قانوني مع مغتربين دفعتهم ظروف قاهرة الى الهجرة ولذلك نحنا نريدهم منتشرين، لا مغتربين ولا مهاجرين – وهيدا كلّ الفرق
• حق اقتراع المنتشرين هو جزء من اعادة تعريف المواطنة بإعطاء المنتشر حريّة الخيار. التمثيل المباشر بالخارج هو مبدأ اقرّته الأمم المتّحدة ولا يجوز اسقاطه تحت اي حجج بإسم “الواقعية الانتخابية”
• المنتشر مش خزنة مال ونرفض تحويله لآلة تمويل صامتة؛ هو راية سيادة وحريّة ورافعة للاقتصاد، ونريده شريك كامل بالمواطنة والقرار، ولأنه رافعة فيه منرفع رؤوسنا بدل ما نحنيها للأجنبي
• لبنان الجغرافيا على الخارطة هو 10452 كلم² وبيبقى، ولكن لبنان الانتشار حدوده العالم. لبنان المقيم ضعيف بلا لبنان المنتشر، ولبنان المنتشر بلا حقوق هو طاقة مهدورة
• الانتشار ما بيجوز يكون عنصر دعم، بل شريك بمعركة حماية الوجود، والوجود يُحمى بالقرار ومش بس بالعاطفة. والوجود لا يصان بالتحويلات بل بالانتاج باستثمارات بالطاقة، بالتكنولوجيا، بالذكاء الاصطناعي والروبوتيكس، بالتعليم والصحة، وبصناديق اغترابية استثمارية مستقلّة عن الدولة
• مين اقدر منكم على اعادة بناء لبنان؟ لما كنت وزير طاقة انا تقدّمت بمشروع قانون لبناء معامل الكهرباء واستثمارها من قبل المنتشرين
• لازم نحمي التعددية اللبنانية باعتبارها قيمتنا العالمية مش بس المحلية، ونعتمد خطاب وطني لبناني ما فيه اقليّات واكثريّات بل شراكة ادوار، ونواجه مشاريع الذوبان او العزل، بهوية سيادية مرنة ونستثمر بالتعليم والصحة كأدوات وجود طويلة الأمد
• الانتشار مش مطلوب منه يصطف بمحور ولكن مطلوب منه ما يغيب. هو مش شاهد على الانهيار ولكن هو شريك بالنهوض. لبنان لا ينقذ بمحاور بل بانتشار حرّ بأفراده ولكن مرتبط بدولة عادلة، فالاغتراب هو المختبر الطبيعي لهوية لبنانية منفتحة
• باسيل: نظرتنا البعيدة:
•  1- مجلس وطني للانتشار
•  2- تثبيت الحقوق بالدستور
• 3- اعطاء افضليّات بتشريعات خاصة
• 4- تحسين التواصل مع الدولة
• 5- اطلاق برامج ثقافية كمدارس اللغة
• 6- ادراج الانتشار بمناهج التعليم
• 7- دعم الانتاج المعرفي ليعكس الهوية، وعدم اقحام الانتشار بخطاب سياسي لأغراض انتخابية ظرفيّة
• لبنان لازم يبقى رسالة حريّة وتنوّع في هذا العالم، رسالة بتطلع من داخله بس كمان بتطلع من آسيا وافريقيا واميركا الشمالية واميركا اللاتينية واوقيانيا واوروبا
• لبنان بحاجة لتنسيق طاقاته لحتّى اللبناني ما يكون مشتّت، بل منتشر ومنظّم ومتواصل ويكون اقوى. ولما بيلتقى الداخل مع الخارج بيولد وطن اقوى واكبر من الجغرافيا – لبنان ساعتها ما بيخلّص بس ولكن بينهض، بيطير وبيحلّق!