خواطر اليوم: الطيبة.. ضريبتها غالية…
أيام كثيرة مندفع ثمن طيبة قلبنا ضريبة كبيرة…
ضريبة أكبر بكثير من يلي بندفعها، بس نرتكب هفوة أو نسيء التصرف…
وهذه الضريبة بكون حقها غالي، بندفعه من أعصابنا ونفسيتنا وقلبنا الطيب…
كرمال هيك لازم نعرف نعمل توازن بحياتنا…
إذا زعلنا لازم نترك للصلح مطرح…
إذا كرهنا لازم نترك للحب مطرح…
وبدل ما نسكر الباب لازم نتركه موارب…
وبدل ما نكون صفحة بيضه، ونسمح للغير يخربشوا عليها ويشوه نظافتها…
لازم نعرف قدام مين منكون كتاب مفتوح…
وقدام مين منسكر كتابنا…
بقلم: رباب وليد الأحمدية
