خواطر اليوم: رحلة بين هشاشة القلب وقوة الاختيار…
طبيعي نزعل، طبيعي نعصّب، ويطلع من جواتنا كلام يعبّر عن الوجع.
بس مش طبيعي نحقد، لأن الحقد ما بيعالج شي، بيزيد الألم وبيخنق القلب.
طبيعي الشخص الآخر يتقبّل هفواتنا بلحظات الانكسار،
بس مش طبيعي نجرح، لأنو الكلمة وقت بتوجع، ما في اعتذار بيمحيها بسهولة.
الإنسان كتلة مشاعر وأحاسيس…
يا بيفرّغها بطريقة صحية بتشفيه،
يا بيسكت عنها وبتبلّش تاكل فيه من جوا شوي شوي.
منشان هيك، ما تخافوا تفتّشوا جواتكن،
ما تخجلوا من رفض الإنسان الغلط،
واستقبلوا يلي بيعرف يسمع، يلي بيرحم، يلي بيحتوي من دون شروط أو أحكام.
بقلم: سوزان غزال
