خواطر اليوم: العمل عبادة…
منشتغل ومنتعب ليل نهار بدون توقف لنأمن لقمة عيشنا…
منعمل جهدنا لنوفر قرشنا الأبيض ليومنا الأسود…
بتمر علينا ظروف صعبة كثير…
يمكن نمرض.. يمكن يموت أحد من أفراد عائلتنا أو أحد أصحابنا..
يمكن نتعرض للاحتيال والنصب من أشخاص قراب منا كنا مخدوعين فيهم…
يمكن نخسر كل شي بإستثمار غلط…
ساعتها منشوف الدني سودا بعيونا…
منتعذب ومننقهر.. ومنقول لهون وبس خلص ما بقى بدنا نشتغل ونتعب ما كل شي رايح على الفاضي…
كرمال هيك كل واحد بياخد خيار مختلف بحياته…
لكن مش غلط أنه نحن الأشخاص القادرين على التحمل والصبر أكثر من غيرنا…
أن نقوم بدور إيجابي وداعم لهولاء الناس المحاصرين داخل مشاكلهم وهمومهم…
نوقف جنبهم ونمدلهم يد العون ونكون السند يلي بيتكلوا عليه…
أو نوجههم الى المراكز والجمعيات يلي بتعتني بهذه المواضيع وبتقدم يد المساعدة…
لنوفر لهم خيارات أفضل للحياة…
فالعمل تكاتف وتضامن…
العمل عبادة ثانية…
بقلم: رباب وليد الاحمدية
