خواطر اليوم: شو صار بالأسرار…
شو صار بالأسرار…
سر ورا سر…
منفكّر انطفى المشوار بيرجع بكل إصرار…
بعيد صار…
رجع السّر يوجّع مكانه وكأنه ما اكتفى وفل بسلام…
رجع السّر بهيئة حلم…
حرّك مشاعر مبعثرة كانت بوادي غميق…
حرّك مشاعر كانت غرقانة ببير عميق…
يمكن على صدق المشاعر…
رجع السّر بهيئة حلم…
عم يتحدى إصرار النسيان…
وزحط القلب عن السّكة…
بس…
مش رح يدوم…
قرّر السّر يواجه الحلم بسلام…
يكسر جناحه المشربكة…
يفك القيود ويطلق السر وكل يلي صار للحرية…
من وادي وبير لسماء الحرية…
لنواجه المشاعر بسلام ونفلت إيدن وخلص…
القلب فسخ عقدو مع هالسّر…
وبكل إصرار انطلق بجناحه لحرية وسماء جديدة… نكتب بريشة الهوا سر جديد
ونجمع المشاعر الحلوة بخصلة شَعر… نكتب بطرفها كل شي جديد وأحلى شِعر…
وتكون نهاية لنبلّش بداية حرّة…
يلا نفك قيود الحلم ونرجع للحقيقة بكل عنفوان…
بسر جديد ننهي الليلة ❤️
وبحلم حلو نفيق بكرا عواقع في فرح❤️
ستصبحون على خير
بقلم: سيوين كمال منذر
