خواطر اليوم: لحظة خوف… بس اليوم فاصل… وهيدا تحدّي منّي الكم
خواطر اليوم: لحظة خوف… بس اليوم فاصل… وهيدا تحدّي منّي الكم
منخاف… منخاف من الوقت ومننسى اللحظات… مش مضمونة!
اللحظة يلي بتروح ما بترجع…
اتذكروها….
ليش الخوف؟
بس نزعل نقول
بس نفرح نقول…
بس نحب، نشتاق، نفقد…
بس يكون في براسنا سؤال نسأل…
وشو ضامنلي بكرا؟
وشو ضامنلي بعد لحظة…
كل لحظة هي الوقت المناسب لانو ما بترجع…
ما نضيع وقت، ضاع وبزيادة…
الخوف والوقن هني أصغر كذبة بهالحلم الكبير…
وشو بدو يوقفني؟
اليوم❤️
رح نكسر الخوف…
اليوم يلي بدكم تقولوا رح تقولوا
ويلي بدكم تعملوا رح تعملوا…
اليوم رح نفتح باب جديد انا وياكم…
رح ندق على الباب يلي خفنا منه…
بلا ما نقول يا ريت ❤️
هي لحظة بعُمرنا…
لحظة فاصلة عن بداية او نهاية❤️
عن قرار، عن ابتسامة، عن امل،…
يلا نقلب التّوقعات وهاللحظة تصير بمية لحظة ❤️
شو ما كانت النتيجة نحنا كسرنا الخوف ❤️
يلا نخليها ليلة اعترافات وحب وامل وجرأة❤️
يلا نفتح الباب ❤️
ستصبحون على الف والف خير ❤️
بقلم: سيوين كمال منذر
