اليومخواطر اليوم
خواطر اليوم: سكت الكلام…
خواطر اليوم: سكت الكلام…
بقلم شفاف انكتب حبر الورق…
وعورق الهوا انكتبت حروف ملوّنة…
بقلم شفاف انحفر الكلام… وغرز جوا القلب والعقل بدون حسبان….
ومش سهل ينشال….
ضايع حبر القلم بوراق الحياة… وهي تقلب على نغمة هوا جنوبي ❤️
والدفتر فاضي.. بلوحاته تايه وعلى الشّباك تاكي ناطر…
طيب وين الكلام؟
والحروف تترندح بالغابة… بقلب الكتمان بعيدة وبلا عنوان…
ضايع مع الإيام، حبر القلم، مش واضح ومسكة اليد نسيان…
مش واضح، خط القلم، والفكر تعبان…
وكأنه بغمضة عين وغصّة اختصر الكلام واختار الكتمان…
ويلا قال… على الدنيا السلام ❤️
وعن أي سلام؟
بأي قلم رح نكتب؟ هيك سأل وبكل حنان…
واليد تايهة دون حسبان…
ومن مكان لمكان هيك سكت الكلام…
وبلخبطة هالألوان تعوا نكتب عنوان ❤️
ستصبحون على “سلام” ونرجع نكتب بحبر الورق أجمل الكلام 🤍
بقلم: سيوين كمال منذر
