اليومخواطر اليوم
خواطر اليوم: فهمت…. ورتحت….
كنت لما أسمع أنه حدا حكي عليي
أو قال كلام كذب عني… أزعل
كنت أزعل كتير وروح لعندو عاتبه بوجه….
لكن مع الوقت…
فهمت….
فهمت أنه ما فينا نسكت الكذاب…
فهمت أنه ما فينا نمنع حقد الناس…
فهمت أنه ما فينا نغير أصحاب لقلوب السودا…
فهمت أنه الإناء ينضح بما فيه…
فهمت أنه لي بيحقد بقول شو ما بدو..
فهمت أنه يلي بقول شي مش منيح الناس يتزقفلو…
فهمت أنه الناقص بشيل صفاته وبحطا بغيرو…
فهمت أنه المجنون بصدق شو ما كان..
وفهمت أنه الشهم رح ينبهني…
وفهمت أنه أبن الأصل رح يحفظني…
وفهمت أنه العاقل مش رح يسمع أصلا…
فهمت… ورتحت….
بقلم: رباب وليد الاحمدية
