خواطر اليوم: شو الحل؟؟؟
بحياتنا منمرق بكثير مطبات وصعاب…
بتخلينا نحس كأننا واقفين عند مفترق طرق، أو علقانيين على شي سفح جبل عالي…
وهون منبلش نلف وندور بنفس الدائرة، ومنفتش بكل الإتجاهات…
بس ولا مرة خطر على بالنا، إنه المشكلة يمكن تكون بهل السؤال…
شو الحل؟ أي طريق هي الخلاص؟
يمكن الجواب هو أبسط ما يكون…
الجواب هو الإستمرار…
إيه الإستمرار رغم كل الضبابية وصعوبة الطريق…
لأن راح نكتشف أنه الطريق المسدود، هو البداية…
البداية لخطوة جديدة، لمرحلة جديدة…
لأن الطريق ببين لما نحن نقرر أنه نشوفه…
بقلم: رباب وليد الأحمدية
