خواطر اليوم: التغيير فرصتك…
أوقات منخاف من التغيير…
من المجهول،
من الطرق الجديدة، ومن وجوه ما منعرفها
منشعر إنه الثبات أمان…
ومع الوقت منفهم إنه الحياة مش ثابتة،
وكل تغيّر إلو معنى.
منتغير بعد الوجع،
بعد تجربة،
أو بعد غياب…
والتغيير بكون طريق للشفاء، وبيفتح لنا أبواب ما كنا نعرفها.
وكل مرة منطلع أقوى، أهدى، وأوضح مع حالنا.
ما منعرف بكرا شو مخبيلنا…
بس…
الأكيد انه التغيير،
رح يكون فرصة نعيش ونكتشف ونحب انفسنا أكتر🤍
بقلم: نادين الأحمدية
