خواطر اليوم: ليش الحشرية…
إذا أنت قريب من حدا ومعتبر حالك رفيقه وصاحبه…
ما تفكر أنه هذا بيعطيك الحق أنك تتدخل فيه، وتتحشر بحياته على الطالعة والنازلة…
وتقعد تحكي وتتفلسف عليه، على أساس أنك أفهم منه…
لازم تعرف وتفهم أنه هذا الشخص لما بعدك عن حياته…
قصداً…
ما بدو يتعاطى معك ولا بده يسأل عنك، ولا بأي شكل من الأشكال…
أنه هو يعني ما بدو هالعلاقة معك من الأصل، ولا بدو يكون قريب منك لا بمنيح ولا بوحيش…
فيا ريت تروق على وضعك شي شوي، وتخفف لي هالحشرية شوي…
وتشغل حالك بشي شغله تنفعك، هيك أحسن لك وأحسن لي…
بقلم: رباب وليد الأحمدية
