اليومخواطر اليوم
خواطر اليوم: خليك ايجابي….
بتمرق بيومنا أشياء كثيرة، منها الحلوة ومنها البشعة…
الحلو ويلي بيبسطنا، وقته قصير، منتمنى أنه يدوم وتضل كل أيامنا وأقاتنا سعيدة وفرحة…
ولكن للأسف هذا الشيء مش مضمون…
أمّا الحزينة والبشعة ويلي بتعصبنا وبطلعنا عن طوعنا…
فهي كثيرة، وممكن تصير معنا كل شوي ومن قبل أي حدا، منعرفه أو ما منعرفه …
لكن نحن لازم نعود حالنا على هذا الواقع، ونحاول أن نبني جدار وهمي بيننا وبين الأشياء السيئة المؤذية…
جدار مصنوع من التطنيش، وأخذ الأمور ببساطة، وما نعطي المواضيع أكبر من حجمها…
يعني من الآخر “ندير دينتنا الطرشا”
هذا الجدار وشو ما كان المسمى يلي بنحب نسميه، هو الحامي لمشاعرنا وأحاسيسنا…
بخلي أثر الصدمات والضربات أخف على قلوبنا وأعصابنا…
بخلينا نرجع لطبيعتنا أسرع وبأقل أضرار نفسيه…
الحياة بدها المثل يلي بقول…
طنّش، تعش، تنتعش…
بقلم: رباب وليد الأحمدية
